بسم الله الرحمن الرحيم
والصلاة والسلام وعلي سيدنا محمد خير الخلق اجمعين
في ناس كتير بتشتكي من ان الكمبيوتر بعد فتره من الشغل عليه بيبقي بطئ
او ان الكمبيوتر بيهنج منها وهو شغال
وفي اسباب كتير ممكن تخلي الجهاز بتاعك بطئ
هناخد منها واحد بس النهارده ونشوف حل للسبب ده
وهو يعتبر من اهم الاسباب اللي بتخلي الكمبيوتر بطئ
الرام RAM
RAM اختصار ل ( Random Acsess Memory ) او ذاكرة الوصل العشوائي
ومهمة الرام في جهاز الكمبيوتر هي تخزين البيانات بصوره مؤقته
والرام بتفقد البيانات المخزنه عليها بمجرد انقطاع التيار الكهربي عنها
طيب ازاي الرام بتسبب بطء الجهاز ؟
اي برنامج حضرتك بتشغله علي الكمبيوتر لازم ياخد مساحه معينه من الرام علي حسب
طبيعة وحجم البرنامج
وطبعا كل ما تزيد البرامج اللي انت مشغلها كل ما تزيد المساحه المستهلكه من حجم الرام
لكن في ساعات مش بتبقي مشغل برامج وتلاقي ان الجهاز بطئ برده
وفي الحاله دي ممكن يكون في فيروس في الجهاز
طيب وايه الحل ؟
الحل انك تعمل الاتي :
هنجرب الطريقة دي ونشوف النتيجه لو الجهاز بقي تمام واسرع من الاول
يبقي جهازك سليم ومفيهوش فيروس
اما لو جربتها ومالاقتش تحسن في اداء جهازك يبقي ممكن يكون في فيروس في الجهاز
او مشكله في نظام التشغيل بتاعك
1- اول حاجه هتروح علي سطح المكتب وتضغط كليك يمين وتختار NEW
ومن قائمة New هتختار new texr document
وهتسمي الملف دا RAMcleaner
2- هتفتح الملف اللي انت عملته وتكتب فيه الاتي
FreeMem=Space(64000000)
يفضل انك تاخدها Copy وتعملها Paste في الملف علي طول
3 - من قائمة file اختار save as واحفظ الملف باسم
RAMcleaner.vbs
4 - اقفل الملف وروح علي الدسك توب وافتح البرنامج اللي انت عملته اللي اسمه RAMCleaner
وان شاء الله جهازك يبقي احسن واسرع
* ملحوظه : الرقم 46000000 دا المساحه اللي البرنامج هينضفها من الرام عندك وفي الحاله دي هي 64 ميجا
ممكن تزودها علي حسب حجم الرام اللي عندك زي ما تحب
ومفيش اي خطور علي الجهاز او علي الرام
وممكن تعمل الطريقه دي كل ما تحس ان الجهاز بقي بطئ
تم بحمد الله